魚缸Blogger：大冶有色憧憬注資
股價橫行咗個幾月嘅大冶有色金屬（00661），尋日突然逆市爆上，即市一度抽升逾9%，最後升逾6%，以0.345元收市。市場喺憧憬母公司會向其注入如黃金項目等資產，睇位跟炒無蝕底。
大冶有色主要業務為投資控股，而旗下附屬公司從事礦石開採和加工，及金屬產品銷售和貿易。公司上半年純利倒退14%至8,030萬人仔，原因是毛利率下降同財務成本增加，不過隨住內地經濟轉好，鉬、鎢、銀及銅資源需求及應用將會增加，金屬價格應有所回升，下半年業績有望好轉，而兩座礦山將於明年投產，屆時產能料可增一半。股價昨以大陽燭兼大成交突破100日線0.33元阻力，短線仲守得住嘅話，下一阻力位係九月中旬高位0.39元。
大冶有色（00661）
阻力位：0.39元
支持位：0.33元