魚缸Blogger：順風光電冷敲之選
尋日太陽能股表現榮辱互見，順風光電（01165）即市一度爆升逾一成，埋單仍有半成升幅，收報0.315元，不過龍頭保利協鑫（03800）就慘跌逾7%，睇嚟炒家呢期愛好新面孔，隻順風可以冷敲。
為助負債驚人的光伏產業盡快度過寒冬，內地打算用700億人仔幫補一下，而主要產銷太陽能發電產品嘅順風，去年中才上市，上市價1.11元，曾碌到落去毫幾子，潛水極深，如果再有補貼或相關措施扶持嘅話，話唔定可以追落後。公司早前同保利協鑫附屬達成長期戰略合作，潛力有待發掘。
睇番幅圖，股價起步係近一個月嘅事，現已收復多條平均線，短線守得住10日線0.26元嘅話，可小注博佢回補今年三月的下跌裂口0.33至0.34元。
順風光電（01165）
阻力位：0.34元
支持位：0.26元