市場徐想：港交所強勢可持續
奧巴馬成功連任總統，代表美國未來四年會繼續寬鬆貨幣政策，股市預計繼續受惠。Prof. J一直都強調，港交所（00388）值得長線持有，原因係佢係獨市生意。雖然業績受收購LME及新股上市減少等拖累，但呢啲因素理應已反映喺股價上。要知道股價係反映市場對該公司未來嘅睇法，因此喺憧憬市場氣氛轉佳下，港交所短期內勢頭將持續。
近日再吹風話中證監將放寬內地中小企來港上市門檻，這一來既擴大內地企業集資渠道，又能支持香港新股市場。不過，之前民企風波令投資者對內地企業提高警覺，呢個如意算盤能否打得響，仲要再仔細考量。