魚缸Blogger：銘源具炒落後概念
尋日魚缸愁雲慘霧，好彩早前推介過嘅兩隻優質藥股，中生製藥（01177）同康哲藥業（00867）都見得吓人，分別逆市升1.3%同微跌0.2%，另仲留意到有隻股仔銘源醫療（00233）突然殺入升幅榜，漲逾半成，收報0.183元，可以(目及)實。
銘源主要從事疾病檢測、藥物研發、製造及銷售，代表作有已被納入國家醫保名錄、用於檢測癌症腫瘤嘅「蛋白芯片C-12」。醫藥板塊係國策未來重點扶持項目，市場一直憧憬中央將擴大相關政策出台，而銘源亦具炒落後概念。事關公司股價由個幾碌到落嚟依家得毫幾子，尋日在成交急增下上升，多條平均線匯集在0.149至0.16元區域，若短線回吐守得住0.16元，跟炒目標睇250日線0.203元。
銘源醫療（00233）
阻力位：0.203元
支持位：0.160元