自從政府出狠招打壓外地人買樓同短炒之後，樓市只係交投淡靜，樓價並冇出現明顯調整。事實上，面對環球低息環境，已足以抵銷政府壓抑樓市等新措施的影響，樓價沒太大調整，有利地產股繼續做好。
現時雖然香港土地供應仍然緊張，但大型發展商手上土儲充足，所以Prof. J較睇好具強大銷售渠道及更好資產周轉能力的發展商，因有助推動自身資產淨值，如龍頭新地（00016）、長實（00001）、新世界（00017）同信置（00083），售樓速度仍掌握喺佢哋嘅有形之手上，政府現階段亦只能有限度地做嘢。在商言商，一眾龍頭公司都知道應該如何取得平衡。
