魚缸Blogger：東風調整告一段落
股價經過一輪大跌浪後的東風集團（00489），上月曾一度報復式反彈到10.82元，差少少就突破埋100日線，可惜之後腳軟掉頭回落，上周四出現十字星後，周五再次踩油一口氣收復10日、20日同50日線，急升逾半成，估計調整期暫時告一段落，跟炒復甦概念無蝕底！
東風第三季純利出現倒退，得嗰17億多啲人仔，低過大行預測，但股價已經反映。上月初摩通出報告叫人減持仲降目標價，不過暴炒妹發現該行喺上月中旬先後兩度入場增持，人棄我取，大家自己諗吓點解。雖然東風仍然依賴日產伙伴，但其實近期已向海外零部件廠商出手，如為自主車型同德國GETRAG成立自動變速箱合資公司等，加上憧憬內地升級版汽車下鄉，今轉上望八月高位11.76元。
東風集團（00489）
阻力位：11.76元
支持位：9.50元