魚缸Blogger：津燃公用具爆發力
呢兩日突然冒起的滄海遺珠天津津燃公用（01265），尋日即市創出1.64元的五十二周新高，接近去年十月轉板當日高位1.65元，收報1.63元，升幅逾半成。
去年先轉主板嘅津燃，主要收入來自管道燃氣銷售，其次為燃氣接駁、輸送及器具銷售業務，今年中期純利6,212萬元人民幣，比去年同期增長八成七，而喺國策支持同龐大需求下，公司將進一步擴大天津市現有經營地點嘅市場份額，亦會繼續拓展於集寧市嘅天然氣業務，可見其業務逐漸上軌道。
而母公司天津市燃氣及華潤燃氣（01193）成立嘅合營公司，旗下天然氣資產估計會喺明年中完成注入津燃，股價潛在爆發力有睇頭，短線如可突破1.65元阻力，今轉上望一○年高位1.85元。
天津津燃公用（01265）
阻力位：1.85元
支持位：1.50元