魚缸Blogger：巨濤海洋短線值博
油田服務股呢期攞晒彩，巨濤海洋石油服務（03303）、安東油服（03337）同中海油服（02883）尋日升幅介乎2.1%至12.5%不等，炒友仲有戰意的話，可以𥄫實巨濤，因貪佢夠鑊氣！
睇番巨濤嘅成績表，今年中期純利2,010萬元人民幣，按年增長逾兩成，油氣設施及油氣工藝處理設備製造業務係主要收入來源，該部分毛利率亦比去年同期上升4個百分點至22%，表現都幾靚仔。
值得一提係公司九月宣布配售股份，其中配股價為0.6元，而股權行使價0.7元，難得見到現價重返0.7元樓上。尋日股價以大陽燭一度突破上升軌阻力，成交激增，短線回調若唔跌穿20日線0.72元，博佢踢上0.9元。
巨濤海洋石油（03303）
阻力位：0.90元
支持位：0.72元