魚缸Blogger：華藝礦業不妨小注
華藝礦業（00559）尋日勁升9.3%，即市阻力唔太大，以接近全日高位0.27元收市，不妨小注冷敲。
變身前嘅華藝主要從事製銷電纜及電線、銅桿及上市證券投資業務，因全球經濟轉差令需求下降，家電行業受到衝擊，故截至六月底止其全年營業額僅3.12億元，同比下跌18%，期內錄得虧損5,300萬元。雖然成績表唔太靚仔，不過由九月起，公司控股權易手，並擬收購國藏酒莊，以取得酒類品牌五糧液嘅經銷權，本月初宣布配股集資近1.2億元，每股作價0.2元，用作發展新業務。
睇番幅圖，華藝股價起步只係近一個月嘅事，尋日再次收復10日線0.249元，若短線企得穩，上望去年十一月高位0.325元。
華藝礦業（00559）
阻力位：0.325元
支持位：0.240元