魚缸Blogger：歐舒丹博創新高
雖然話內地經濟增長放緩會影響消費意欲，不過套落去護膚品同化妝品嘅話就係另一回事。主要生產同銷售天然有機護膚品嘅「來路貨」歐舒丹（00973），近年喺開拓新興市場方面明顯積極咗，早前仲趁低收購咗亞洲另一護膚品牌Erborian業務，並已經累積一大班品牌支持者，所以今年成績表要維持增長並唔困難。
根據歐舒丹最新公布的營運數據，截至今年九月底止六個月銷售淨額約4.49億歐元，期內整體同店銷售增長2.6%，其中俄羅斯同中國嘅銷售增長最有睇頭，升幅分別為35%及22.7%。
周一歐舒丹股價雖逆市下跌1.5%，但仲守得住喺10日線21.9元樓上，近排唔少股份都創咗新高，不妨博歐舒丹亦可突破歷史高位24.45元。
歐舒丹（00973）
阻力位：24.45元
支持位：21.00元