遏樓價唔係單靠出口術
今年樓價升到癲，愈來愈脫離市民負擔能力，政府連番出招穩定樓市，市況仍瘋狂，近期連只有投資者青睞的連租約戶，亦變成用家入市恩物，「冇樓睇」仍以破頂價搶貨，認真誇張。
房屋問題遲遲未解決，政府深明長此下去對社會民生有不利影響，近日已大派定心丸，表明若有需要，「打幾個電話」就有新招出籠，遏止狂態畢露的樓市。不過，須知道，樓市供求失衡並非一朝一夕可以扭轉，單憑出口術是否就能夠阻止樓價繼續攀升？
元朗向來是上車天堂，尤其西鐵通車後，出市區「話咁快就到」，加上近年新型屋苑林立，居住質素不遜豪宅，樓價更平市區樓一大截，深得用家歡心。今期《CASA置業安居》將介紹元朗區新進屋苑的兩房樓王，體驗高尚生活品味。