市場徐想：恒生跑贏大市有理
踏入第四季，香港銀行股一枝獨秀。以恒生銀行（00011）為例，股價屢創一年新高！恒生受歡迎，因為佢派息穩定，同埋過去股本回報率一向都跑贏本地同業，而當中主要有賴持有嘅興業銀行喺內地高速增長。不過，由於恒生唔參與興業早前的配股行動，令其持股比例被攤薄至10.7%，估計第三季完成配售後，來自興業的股本回報將會下降。
但似乎恒生股價對呢個消息免疫。咁又係，佔一成左右投資，相比其他公司面對嘅風險，真係小巫見大巫。加上專注本地市場，歐、美、中「經濟三煞位」，佢唔係首當其衝，的確係幾好嘅選擇。繼續追蹤，出發！