港股近日走勢認真強勁，尋日恒指再升逾百點，以21,518點收市。內地最新公布的GDP數據合乎市場預期，而市場憧憬中央嚟緊會加大基建投資，所以相關股份尋日全線做好，早段率先有水泥股炒上，晏晝到鋼鐵股發力，由於鋼鐵股走勢相對仍然較為落後，尋日先至啱啱破位而上，估計升勢可以持續，不妨吼位上車。
