魚缸Blogger：成渝高速價殘值博
尋日隻合和基建（00737）出現異動，即市一度升超過12%，更創咗五十二周新高，望吓其他公路股如滬杭甬（00576）、成渝高速（00107）同深高速（00548），升幅則介乎0.6至1.7%不等。如果要喺呢個板塊入面尋寶，暴炒妹會揀估值最低殘嘅成渝高速。
公司股價由今年二月高位3.79元，一直反覆轆到落九月嘅兩蚊邊，經過咁多個月的跌浪，睇怕已經足以反映中央加強監管同假日免費的負面因素，近日股價終於開始起錨，短線黃金交叉利好兼成交大增，值博率夠高。
另外，成渝高速新投資興建的成仁高速公路已於上月通車，帶來盈利增長動力。博月底季績公布前繼續炒上，首站阻力先睇七月高位2.69元。
成渝高速（00107）
阻力位：2.69元
支持位：2.25元