魚缸Blogger：華油能源有力再衝
港股尋日好似畀人點咗穴咁，收市升得11點，成交又係少到唔恨，睇怕十八大前要繼續炒股唔炒市。啱啱創咗上市新高嘅華油能源（01251），尋日跟住大隊齊齊殺入升幅榜，雖然收市見回吐，但仍然升近一成至1.89元，同類股份如安東油服（03337）都有唔錯表現，睇嚟呢個頁岩氣概念板塊炒味夠濃，望吓都無蝕底。
華油能源主要從事提供綜合油田服務，除咗係中石油（00857）的油田服務及設備優先供應商外，仲同不少海外企業如美國哈利伯頓有合作關係，主要股東之一光控（00165）亦早已睇中其投資潛力。喺油服需求有增無減兼食正國策下，公司在頁岩氣勘探領域擁有的技術，無疑會成為未來增長亮點，短線整固完有機會再衝尋日高位2.04元。
華油能源（01251）
阻力位：2.04元
支持位：1.75元