市場徐想:中銀香港拓新財路

中銀香港(02388)係香港人民幣交易業務嘅指定清算行,過往淨係賺兩地人民幣息差,無本生利,都已經貢獻咗唔少盈利。不過,隨着人行減息,呢條水似乎都收縮埋。因此中銀就度條新橋,運用佢喺人民幣業務上嘅優勢,結合旗下中銀人壽將人民幣保險業務拓向再保領域。

中銀人壽已經取得QFII資格,正研究與海外機構合作,將佢嘅人幣保險產品複製到海外。由海外合作夥伴銷售,佢哋收取保費後再匯到香港,由中銀人壽負責再保。通過再保方式,中銀人壽既可開拓人仔再保業務,亦可拓展人幣保險海外業務,實行一石二鳥。

港大電子金融服務榮譽助理教授 徐燦傑