魚缸Blogger：中金再生值得跟進
內地有多個官員話中國經濟喺第三季見底，年底將企穩回升，全年料實現GDP增長7.7%，明年升至8.2%，當然呢個說法仍有待確認，但睇嚟預期轉好嘅聲音比之前多咗。
上個月暴炒男講過從事廢金屬、廢舊電器回收等業務嘅中金再生（00773），眨吓眼股價已經突破當時定的阻力位7.7元，兼且上返8蚊樓上，一旦10日線7.4元升穿250日線7.8元，走勢將進一步轉強，大圓底回升勢頭可延續。
公司目標一四年市佔率可升至15%，而年底亦料試行電子遠程交易平台，作用是提供物流、融資貨物及現貨交易等，將加快整合行業。喺長線國策增加廢金屬使用量的推動下，配合中短線金屬價格有回暖迹象，中金再生值得跟進，阻力上移到9蚊。
中金再生（00773）
阻力位：9.0元
支持位：7.4元