魚缸Blogger：中交建營造複式底
道指連續兩日跌過百點收市，但尋日本地魚缸出奇地硬淨，差一點就收復兩萬一大關，而且就算西班牙評級被降，歐股三大指數早段都出現顯著反彈，唔通今次又嚟壞消息當好消息炒？
國策扶持嘅威力再一次反映喺基建股身上，前日溫爺爺主持國務院常務會議，定下城市優先發展嘅公共交通八大重點項目，今日可順手睇吓隻中交建（01800）。中交建近月先後宣布中標逾百億人仔基建項目，加上有鐵道部最近公布上月內地基礎建設投資按年大增1.1倍嘅消息沖喜，似乎板塊氣氛有明顯改善，相比起中鐵建（01186）同中國中鐵（00390）近日股價尋頂，中交建仲係喺低位營造複式雙底，不妨視之為追落後之選。
中交建（01800）
阻力位：6.88元
支持位：6.15元