市場徐想:港交所中線目標160元
作為香港唯一大賭枱,港交所(00388)面對唔少壓力。Prof. J唔擔心佢無生意做,不過呢排IPO市場靜過鬼、QE3刺激成交效果又無以為繼,港交所短期增長動力成疑。何況仲要發可換股債券(CB)來應付收購LME資金需要,令到佢負債比率一下子由「零」水平上升至40%,大行報告間間都唱淡隻港交所,當真四面楚歌。
今次港交所歷史性發債,其中有一半的投資者是來自對沖基金。Prof. J覺得,既然CB換股價定得喺160元,而且認購的反應亦屬超額,不妨以160元為五年的中線目標價,繼續好有誠意咁守望。繼續追蹤,出發!