魚缸Blogger：創科實業強勢值博
內地魚缸尋日爆冷以跌市告終，加埋歐股早段顯著調整，港股亦都回吐187點，始終大市升咗咁多日都要抖抖。同日瑞銀唱好幾隻工業股，原因離唔開憧憬第四季業務復甦，當中提及嘅幾隻股份，似乎以幅圖出現破腳穿頭嘅創科實業（00669）最值博。
睇番份報告，瑞銀話創科舊年有七成收入嚟自北美，而花旗國樓市回暖可帶動公司收入增長。事實上，伯老開行水喉出QE3，醉翁之意在樓市，而創科生產嘅地板護理、電動工具產品可謂食正條水，喺本地魚缸較少同類股份之下，創科自然最受惠。尋日股價重返保力加通道中軸樓上之後，14日RSI都係得58，今趟阻力不妨睇前高位14.28元。
創科實業（00669）
阻力位：14.28元
支持位：13.20元