市場徐想：證券化紓緩樓價問題
市場依家對住宅樓宇非常渴求，所以近期樓市錄得價量齊升；Prof. J開始認清一點：政府冇可能喺呢幾年間，迅速有樓宇供應推出市場。要解決呢個問題，一個可行方法，係將唔同級別嘅樓宇拆分，然後喺政府監管之下，將佢哋全面證券化。
如果政府可以親自主理一部分房產信託基金（REITs），等於將一個需要龐大資金嘅遊戲，拆分成為細份，令市民可利用呢種金融工具，減輕對樓價上升嘅恐慌。另證券化後嘅房產基金，可推出衍生工具，利用金融界嘅多元化，去化淡樓價問題。但單靠金融市場唔可以解決民生問題。治本嘅方法，仍然係努力做好規劃。