魚缸Blogger：華潤燃氣前景看俏
本地魚缸上周埋單計都係得個百幾點升幅，整體動力依然唔多夠，惟五月時留下嘅下跌裂口已補番有凸，企唔企得穩二萬一，今日自有分曉。
內地清潔能源嘅使用進一步普及化已是大勢所趨，「十二五」規劃目標是天然氣佔總能源消費比例倍升至一五年的8.3%，加埋西氣東輸建設陸續完成，在政策配合下，燃氣股現處行業發展黃金期。
剛創出新高嘅靚股華潤燃氣（01193），近期積極透過收購（華潤石化、AEI等）嚟擴建氣網，前景看俏。睇番股價，潤燃九月至今兩度觸及16.3元高位，其後雖稍見回吐，上周五收報15.98元，但相信調整過後有力再破頂，不妨視之為收集機會，突破此高位的話，上望18蚊。
華潤燃氣（01193）
阻力位：18.00元
支持位：15.13元