大市上周五終於收喺21,000點樓上，至於恒指能否再下一城，就要睇內地股市今日復市表現。恒指近日在高位徘徊，不少板塊都有炒作，上周五到航運同埋石化股接力，而調整咗一段時間嘅殼股亦重新落鑊，僑福企業（00207）急升45%。由於呢類殼股由高位跌咗唔少，如今呈V形反彈，自問有膽識兼身手靈活嘅，亦不妨小注一博。
