魚缸Blogger：高鑫零售走勢突破
港股喺第四季首個交易日高開低收，今晚歐央行同英倫銀行公布議息結果，不過就算再加碼放水，對魚缸嘅刺激作用，恐怕是愈來愈細。
歐債危機風大雨大，似乎有穩定現金流嘅股仔有一定捧場客。尋日高盛就出報告，話高鑫零售（06808）可以受惠祖國內需市場嘅發展，並預期到二○二○年，公司嘅市值有機會升至300億元。
事實上，高鑫旗下嘅大賣場主要賣生活必需品，受外圍經濟影響較細，雖然往績PE高達40倍，但以佢上半年純利有七成五增長，同埋在行業嘅龍頭地位，應該可以享有較高溢價，加上尋日股價衝穿250日線後又再蠢蠢欲動，確認突破9.95元的話，可上試10.5元。
高鑫零售（06808）
阻力位：10.5元
支持位：9.5元