魚缸Blogger:創維短線動力十足

尋日中外消息紛亂,收市後西班牙拍債結果理想,但較早時滙豐中國PMI仍處收縮水平、日央行放水藥力消散,結果魚缸嘔凸前日嘅升幅,就算有大行睇22,700點,小心短期已經見頂。

釣魚島爭端持續,但阿爺似乎唔怕打經濟戰,價廉物美嘅國產貨應該有運行,而且工信部最近公布第二批節能家電目錄,所以祖國電視機一哥創維(00751)中短線有值得睇好嘅理由。

今年四至八月,創維嘅電視機銷售額同銷量就分別按年上升14%同18%,而八月份LED電視銷量更急增1.57倍,加上尋日喺近1.7億元嘅大成交支持下逆市搶高,短線勢頭唔錯,可以喺3.57元附近落第一注,阻力睇4蚊。

創維數碼(00751)

阻力位:4.0元

支持位:3.4元

暴炒男