市場徐想：對抗通脹買金保值
QE3一出，資產價格就一定升。政府當下最唔想見嘅就係樓價再升，所以變數就係政府會唔會出狠招壓抑樓價。但Prof. J覺得呢個機會唔大，反而政府會不斷做啲小動作，希望可以溫和地調控樓市，以防形成資產泡沫。但其實資產並唔止磚頭一種，以黃金為例，一向具避險同抗通脹作用，尤其是美國咁印銀紙法，美元有貶值壓力，故QE3一出，金價即彈番上1,780美元水平。
Prof. J一向都贊成繼續揸實質資產，如果嫌磚頭成本高，少少哋都買番啲金啦。買黃金ETF亦可，因為佢真係揸住一個實金金庫，但ETF會收管理費，小數怕長計，中線投資好喇，唔適宜揸到地老天荒。