魚缸Blogger：達進照明可追落後
執筆時仲未等到伯老開金口，之不過今日可以維持本欄炒消息嘅一貫策略，有QE3嘅話唔怕追貨搭一轉順風車，如果無嘅話，早市惟有隔岸觀火，等下晝睇吓有冇平貨執好過。
值博股今日可以留意吓LED股達進東方照明（00515），雖然受行業競爭激烈、本身中期業績盈轉虧影響，達進現價較今年高位唔見咗七成，但阿爺扶持行業發展嘅力度似乎絕不手軟，最新就話要將「十二五」期間節能環保重點項目嘅投入，大增至3.6萬億人仔。而且股價上，就算達進尋日抽升近7%，返回50日線樓上，但同行業另一龍頭真明麗（01868）相比，走勢仍然大落後，上望阻力先睇八月高位0.93元，支持0.74元。
達進照明（00515）
阻力位：0.93元
支持位：0.74元