市場徐想：本地樓市繼續睇升
事實證明，口術根本對實體經濟唔會有任何作用，一日供求失衡問題未解決，樓價居高不下已成定局。
金融市場入面，地產股亦已經炒到二、三線。依照目前嘅樓價走勢，計番每間公司嘅賣樓收益，好多基金都唔理三七二十一，只要條數掂，就係磚頭股都照掃。
○八年時內地推4萬億元人民幣救市政策，當中有唔少落咗嚟炒股炒樓。目前嘅樓市，夾雜住以往美國量化寬鬆令港元弱勢，加上內地泵水引水灌田等等嘅力量，又點會咁易被壓落去？當然，Prof. J覺得一個社會要穩定，必須有一個穩定嘅樓價，但想還想，種種現象分析，樓價仲係要升。