鍾浠文創業搞咖啡店

1.你認為自己現時財富屬於哪一級？（分五等級：優、良、常、可、劣）

答：常。

2.你試過最貧窮是何時？當時情況怎樣？

答：十四、五歲時每個月得幾百蚊零用錢，那時住學校宿舍，半個月就用完。

3.你試過最富有是何時？當時情況是怎樣？

答：五年前開始拍廣告賺錢，媽咪叫我喺內地買樓，60萬元買入，90萬元賣出，賺咗30萬元。

4.每月的收入中，儲蓄、投資及消費分別佔多少？

答：30%買嘢、30%儲蓄、20%食嘢、20%交通費

5.金錢對你的重要程度屬於哪一級？（分五級：極重要、很重要、重要、不重要、絕不重要）

答：很重要，現在想買樓和開咖啡店，但發覺儲唔夠

6.你每月開支平均大約多少？

答：大約三萬蚊，主要買衫和鞋。

7.你現時身上帶有多少現金？

答：一千蚊。

8.你何時開始儲蓄？

答：四、五年前開始工作自己儲錢，讀書時就媽咪幫我儲。

9.你擁有多少個銀行戶口？

答：兩個，內地和香港各一個。

10.你幾多歲賺到首個一百萬？

答：五年前。

11.你現時共擁有多少張信用卡？

答：零，之前怕自己亂使錢，只用EPS提款卡，但因為餐廳唔收，幾唔方便，啱啱申請咗張信用卡。

12.你現時擁有多少個物業？

答：有三個在內地，兩個畀媽媽，一個畀爸爸。

13.第一次買樓時你幾多歲？

答：21歲。

14.過往你有否投資過物業？

答：有，在內地。

15.你有冇投資股票或基金？

答：畀錢媽咪幫我投資，好似買咗中國銀行，但蝕緊。

16.試舉出三間本港藍籌公司的名稱？

答：舉唔到。

17.總括而言，你投資股票是賺、打和還是虧蝕？

答：蝕。

18.現時最看好哪一個國家的貨幣？為甚麼？

答：人民幣，因為升值空間大。

19.你有否購買保險？若有，共擁有多少份保險？

答：在香港無，但父母在內地幫我買咗醫療保險。

20.你打算何時退休？

答：50歲後。

21.你認為至少要擁有多少儲蓄才可安心退休？

答：退休後有自己屋住，每個月有幾萬蚊用就得。

22.你可曾創業？若有，結果是怎樣？

答：現在籌備開咖啡店，目標一年內回本。

23.可以分享一條絕世發達的妙計嗎？

答：如果眼前有一個機會，但手上無錢投資就好無奈，發達前一定要先儲錢，一遇到機會就要把握。

個人資料

姓名：鍾浠文

年齡：26歲

職業：模特兒