法治管理 掃除家族色彩

撇去家族式生意以人治企的枷鎖，黃達堂多次強調要在公司推行法治，認為家族式生意的掌權人，可自行決定結束企業，結果導致數百人失業，早前亦不乏先例。

無意逼女兒接棒

當初萌生將捷榮上市的念頭，是因為港式家族生意多以人治企，決策時以統籌人出發點為依歸，而非從公司利益角度出發，現在董事會家族成員只剩下一位，Peter亦無意強迫三個女兒去承繼衣鉢。

「（佢哋）有興趣可入嚟排隊申請職位，但唔係做董事，佢要贏其他應徵者，先可以坐嗰個位，而唔係話好多家族生意咁，『阿仔阿孫你畢業喇，入公司整間房（做）Director』。No！肯定係No！」

隨着當日集資的目標，是冀求淡化家族性經營已達成，捷榮還考慮在新加坡以外的市場集資嗎？他承認，香港固然是首個考慮的上市地點，惟現時市場氣氛欠佳。

「好多人為上市而上市，唔理三七二十一，谷到三年業績出嚟，就擺上去，亦無任何未來嘅計劃，甚至有啲上市之後Cap（抽）水走人」。