市場徐想：海升果汁提防伸手
海升果汁（00359）發盈警，大家都預咗，需求減、成本高等等，隻隻都係咁講，啱啱出咗業績，盈利急跌99%，都咪話唔恐怖。
睇解釋，如我所料，需求下跌，銷售減少，預料之外在於佢嘅蘋果汁出口價格平均有22%增長，Prof. J都摸不着頭腦，需求下跌但價格又升，都唔知佢想講乜。同行安德利（02218），盈利只係跌咗34%，似乎海升真係做得麻麻哋！再睇財務表，銀行貸款多咗50%，都係嗰句，「市好就無人理，市差就嚇死你」，加上手頭現金得2億元，要還嘅一年償還貸款又有成12.6億元，周轉上又面對多一層挑戰。要搵水，搵小股東機會最高。