上個禮拜五華爾街股市做好，但係內地股市唔精神，所以恒指昨日高開之後好快掉頭向下，埋單跌81點，交投依然淡靜。尋日唯一表現較好嘅板塊就係零售股，事關內地再放寬個人遊訪港。其實，有關消息都傳咗一排，所以近排零售股都升唔少，相信相關利好因素已反映得七七八八，家陣先至嚟高追，似乎制唔過。
