魚缸Blogger：重農行重拾上升軌
業績高峰期，績優績差股唔理好醜，最緊要就手，尋日體育用品股急勁反彈、霸王（01338）亦出現絕地反擊式抽升，之不過，炒業績股最好都係睇埋基本因素。
雖然同招行（03968）一樣，今年第二季盈利按季幾近零增長，但挾住高增長同西部概念，重農行（03618）近兩日股價走勢，喺九隻內銀中可謂一枝獨秀，而且尋日有內地官媒報道，指當局將會豪擲1.5萬億人仔振興重慶七項產業，從而帶動當地工業產值衝破3萬億人仔大關，加上較早時嘅重慶風暴基本上大局已定，為重農行掃除一大不明朗因素，相信股價亦係時間重返升軌，今趟若能補回五月大裂口頂部3.53元阻力，後市應該有睇頭，3.2元支持未宜失守。
重農行（03618）
阻力位：3.53元
支持位：3.20元