魚缸Blogger:統一上望8元關

雖然魚缸尋日曾經隊穿兩萬,但好快已經湧番上去,睇嚟市底有番咁上下,而且今個禮拜有聯儲局嘅議息聲明公布,加上歐元區領袖又頻頻開會,後市唔使睇得太灰。

康師傅(00322)公布今年上半年多賺逾24%,隨即刺激另外兩隻台資食品股湧上,珠玉在前,今日就一於吼實喺禮拜五公布中績嘅統一企業(00220)。統一除咗主打奶茶外,近年推出嘅「老壇酸菜」方便麵亦成功殺出一條血路,並喺短時間內進佔祖國第二最受歡迎嘅口味,加上集團已經有首季純利大增2.9倍至3,992萬美元打底,相信快將公布嘅中績應該唔會難睇,配合股價尋日回勇,可喺7.4元附近跟進,阻力先睇8蚊,7元支持未宜失守。

統一企業(00220)

阻力位:8元

支持位:7元

暴炒男