魚缸Blogger：卓悅1元阻力非輕
為內銀股業績潮打頭陣嘅招行（03968）同重農行（3618）雙雙敗陣，上季盈利更有放緩迹象，加上有中移（00941）嘅前車可鑑，短期內銀股都係睇定啲好啲。
盈警股卓悅（00653）上周五繼續報復式反彈，股價抽升近8%。睇番通告，集團今年上半年收入有增長，但租金支出嘅增幅更大，結果盈利受壓。其實較早時市場已經有消息放風，指雖然卓悅今年四月同五月份嘅同店銷售增長回落至單位數字，但喺六月已經回升至12%，問題係盈利復甦仍要一段時間。
卓悅上周五收市價較上周低位已回升逾14%，而且上望大裂口底部1蚊關阻力唔細，就算小注投機，都係等落番去0.9元先跟進，相信會較為可取。
卓悅（00653）
阻力位：1.00元
支持位：0.84元