何傲芝鍾情銀行股
1. 你認為自己現時財富屬於哪一級?(分五等級:優、良、常、可、劣)
答:常和可之間。
2. 你試過最貧窮是何時?當時情況怎樣?
答:剛入行時得好少job,全部儲蓄都用去買衫,又唔想問屋企人攞錢。
3. 你試過最富有是何時?當時情況是怎樣?
答:我做司儀,每年12月至2月接到最多頒獎禮、晚會嘅job,那時段最有錢。
4. 每月的收入中,儲蓄、投資及消費分別佔多少?
答:儲蓄50%、消費30%、投資10%,餘下10%是流動資金。
5. 金錢對你的重要程度屬於哪一級?(分五級:極重要、很重要、重要、不重要、絕不重要)
答:重要。
6. 你每月開支平均大約多少?
答:房租、保險、家用等加埋3、4萬蚊啦。
7. 你現時身上帶有多少現金?
答:2,870元。
8. 你何時開始儲蓄?
答:近3年,之前搵錢無咁多,好快使晒。
9. 你擁有多少個銀行戶口?
答:兩個儲蓄戶口。
10. 你幾多歲賺到首個一百萬?
答:24歲,如果是現金一百萬的話,希望今年可達到。
11. 你現時有否借貸?(包括信用卡、樓宇按揭及私人貸款)
答:無。
12. 你現時共擁有多少張信用卡?
答:3張。
13. 當中最大的信用限額是多少?
答:21萬元,發卡銀行是我之前做樓按的銀行。
14. 你現時擁有多少個物業?
答:現時無,剛賣咗層樓。
15. 第一次買樓時你幾多歲?
答:24歲
16. 過往你有否投資過物業?結果是怎樣?
答:之前賣咗層樓,賺了三、四十萬。
17. 你有冇投資股票或基金?
答:有,現時持有10隻股票和基金。
18. 主要投資哪一類的股票?
答:有建行和滙控。
19. 港股在每日何時開巿?
答:早上九點半。(編:對!)
20. 現時最看好哪一個國家的貨幣?為甚麼?
答:一定是人民幣,中央有穩定貨幣政策,我自己都有人民幣存款。
21. 你有否購買保險?若有,共擁有多少份保險?
答:3份,包括醫療、人壽保險和車保。
22. 你有些特別的另類投資嗎?
答:無,雖然我做過財經節目,講投資好似頭頭是道,但實際上就……
23. 你可曾創業?若有,結果是怎樣?
答:我自己無,但有幫手屋企做服裝生意,生意都OK
24. 可以分享一條絕世發達的妙計嗎?
答:使錢時要諗清楚自己收入,儲蓄好緊要,但如果要發達,我諗要中六合彩。
個人資料
名稱:何傲芝
年齡:28歲
職業:司儀、演員
何傲芝