魚缸Blogger：巨騰國際增長持續
內地魚缸尋日急跌，奇就奇在港股走勢並未有同步，之不過今日輪到歐洲公布GDP，喺德法政府仲放緊假、基金經理仲抖緊暑之下，小心淡友趁數據差隨時突襲。
大市缺乏焦點，炒完醜股再炒殼股，今日不妨留意吓盈喜股巨騰國際（03336）。雖然巨騰早喺六月尾已發盈喜，但近兩個交易日先見真章，尋日更逼近3蚊大關。睇番滙豐證券份報告，認為巨騰今年上半年毛利率表現將會強勁，目標價睇4.2元。其實睇番集團嘅增長亮點Ultrabook，近月喺Intel催谷下，銷售勢頭已有改善，加上巨騰預測PE得十倍多啲，增長故事應該未完，不妨候低喺2.7元附近吸納，阻力睇3.2元。
巨騰國際（03336）
阻力位：3.2元
支持位：2.5元