市場徐想：康宏生意唔易做
呢個世界寫咗啲嘢，真係一世有人記住。有粉絲電郵我，話喺好耐之前撐嘅康宏理財（01019）點樣「伴我啟航」。點解依家小虎隊不見了，話好唔合皮。
當日康宏上市，Prof. J都話因為識主席王，加上佢又人稱金融版「鋼鐵俠」，又見佢平時「東奔西走為康宏」，諗住一個企業管理層好緊要，頭段股價表現算係咁啦！公司一○年七月上市，一一年二月發盈喜，八月再盈喜，中期又報佳績29%，今年三月公布上年業績就少賺18%，早幾日發中期盈警，似乎大勢不可違。發盈警原因，原來畀班「銷售大帝」佣金賺多咗，可見金融機構嘅艱苦歲月。
有粉絲話康宏又向大股東買內地業務，無嘢搵嘢搞。我就覺得要將中國業務放入上市公司，好多嘢要「慢慢執」。康宏最後點，梗係要問主席王啦。以主席王今時今日地位，點會懶懶閒唔做嘢，咁多人關心隻船，繼續追蹤，出發！