魚缸Blogger：大昌行開展反彈浪
好淡友尋日繼續按兵不動，魚缸僅微跌7點，似為阿爺今朝公布嘅經濟數據養精蓄銳，如果CPI真係破二、經濟下滑速度又喘穩，不難想像又有資金炒阿爺放水。
價殘股繼續輪流炒，估唔到連大行都加入戰團，喺摩笛高奏下，大昌行（01828）尋日股價三連陽，重返50日線樓上。細聽摩笛嘅理據，睇好大昌行原因係現價已反映上半年業績疲弱嘅利淡因素，並憧憬下半年可受惠內地汽車業復甦。事實上，大昌行已新增瑪莎拉蒂、法拉利嘅代理同強化售後服務提升實力，且往績PE又係三隻汽車代理股中最低，配合股價進入反彈浪，若衝穿頸線7.43元，量度阻力可睇8蚊。
大昌行（01828）
阻力位：8.0元
支持位：6.9元