魚缸Blogger：中海宏洋績優可吼
外圍仲未出動秘密武器，而跌到低殘嘅A股救極都仲未見起色，依家魚缸有成三百隻盈警股，尋日成交又跌番落四舊幾，咁嘅環境下揀隻業績較靚仔嘅股份勝算較高。
剛公布中期業績嘅中海宏洋（00081），上半年純利13億元，同比增逾六成。公司未來將繼續擴展更具投資潛力的三線城市，主力針對中、高端住宅物業用家。由於負債得到改善，公司處於淨現金水平，將有利進一步增加土儲。喺內地緊縮銀根及實施價格控制下，仍有不錯增長，實在買少見少。睇番尋日股價，曾經跌超過3%至6.87元，但收市升番7元關，不妨趁其股價調整吸納，博試上月高位7.64元。
中海宏洋（00081）
阻力位：7.64元
支持位：6.65元