市場徐想：面書打破科技神話

成日都話經濟差，科技股彈起，不過數來數去，都係得騰訊（00700）有料到。今年萬眾期待嘅面書（facebook）上市，雷聲大就業績壞。如果大家無記錯，fb講來講去都係用戶，因停留時間愈耐，愈有廣告商機，不過Prof. J玩fb咁耐真係冇click過入去睇廣告。加上fb活躍用戶嘅增加同廣告收入不成正比，顯示其假設有極大的假設性問題。現時fb面對兩大挑戰，中國市場進不了，及如何以業績支持高增長神話。

世界不斷改變，十年前搭地鐵聽歌、睇片、打機要揸住幾部機，依家一部智能電話搞掂！老友「潮人風」換機快似食快餐，教書都教過，業務上最難估計嘅係非直接競爭對手（Indirect Competition），實在多如天上繁星，喺依家花心嘅消費者年代，fb留住佢哋都唔係咁容易。

Prof. J覺得fb今次可能學學Tom仔，惟有不斷買嘢，希望佢愈做愈好！諗諗，唔通十年後，科技股都係得番隻不滅神話騰騰？