魚缸Blogger:滬杭甬博財息兼收
歐美央行議息前夕,爆出德拉吉或涉及利益衝突嘅醜聞,今次真係出師不利,況且恒指突破牛熊分界線後,離兩萬大關得番兩百幾點,再高追嘅水位已經唔多。
喺波動市中,現金流強勁嘅高息股有一定吸引力,而預測息率有近7厘嘅浙江滬杭甬(00576),近月喺5蚊邊打好底後,亦已連續六個交易日陽燭湧上。雖然集團今年首季純利微跌,但期內滬杭甬高速公路日均車流量有近5%增長,而且集團積極透過收購保持盈利增長動力,最近就成功買入浙江紹興嵊新高速公路五成股權,加上手頭現金充裕,具不俗防守性,不妨候低在5.5元附近吸納,博中報前後財息兼收。
滬杭甬(00576)
阻力位:6.0元
支持位:5.2元