市場徐想：本地樓市易升難跌
喺低息環境持續狀況下，雖然政府屢出口術，但只要冇實質一次性嘅措施出台，區區印花稅亦只能打擊炒賣市場，對用家市場完全冇作用。目前本港樓宇出租率極高，要審視樓市走勢，最簡單就是看「空置率」。如斯出租率底下，何來下跌誘因？
需知道樓市下跌，必須是「供過於求」，必先出現「空置率上升」這現象，加上業主持貨能力極高，單以今年計各商戶及住宅加租幅度不小。雖然樓市急升會引來政府打壓，因此上升30%或以上的機會極低，惟平穩上升10%左右相信係「指日可待」。
如果大家心水清，就會知道喺呢兩三年內，中外央行利率冇大升條件。Prof.J大膽估計，零息現象甚至乎會維持至一五年，以呢個息口計，普通人畀完首期之後，每月供樓負擔水平，相對九七年而言，可以話係微不足道。樓市有強勁嘅購買力支持，磚頭理所當然跑贏通脹。