追星族：一拖追落後炒番轉
港股腳軟軟，近期揀股定以穩陣行先，今日推介嘅第一拖拉機（00038），除了有國策護航，最近公司獲批發A股，加上股價大落後，可短炒番轉。
中央向來重視三農問題，而「十二五」規劃已定下大力推動三農政策，包括農機以舊換新，隨着國家增加農機補貼，對一拖銷售定有幫助。睇番業績，公司去年全年純利雖少賺24%，但主要受特殊項目影響，今年農機補貼金額有增無減，預料即將公布的中期業績可保平穩。另外，中證監已批准公司發行A股，預計發行規模不超過1.5億股A股，集資約11.5億元人民幣，將用作大功率農用柴油機及新型輪式拖拉機核心能力提升等項目。
走勢上，股價由五月尾高位7.09元，跌至6元樓下。昨日收報6.03元，下一阻力位睇50日線6.57元。
第一拖拉機（00038）
阻力位：6.57元
支持位：5.50元