魚缸Blogger：瑞年國際現價偏低
全球股市屏息靜氣等待歐央行議息結果，本地魚缸尋日微跌25點，不過近排興好消息出貨、壞消息入貨，今次開邊瓣實在難估。
中報期前夕，再有大孖沙入市買貨嘅消息，尋日就有超人旗下嘅長江生命科技（00775）增持瑞年國際（02010），雖然數目唔多，半球都唔夠，但勝在具象徵意義，持股量升至5.01%的需要公開披露水平。其實睇番主營氨基酸保健品嘅瑞年，預測同往績PE得三倍多啲，舊年多賺逾五成至5.51億人仔，而且主席亦已表明預留彈藥擴充業務，但現價仍較前年上市價3蚊低逾三成，以其龍頭地位，似乎公司價值未完全反映出嚟，跟誠哥走一轉，阻力先睇2.2元。
瑞年國際（02010）
阻力位：2.20元
支持位：1.93元