窩輪成交縮40%發行商叫苦

上半年港股反覆無驚喜，散戶無心戀戰，窩輪市場交投淡靜，令到輪商「無啖好食」。有輪商總結上半年窩輪及牛熊證市場成交情況，其中單單窩輪總成交較去年上半年大減近四成，成交減少以致對沖成本比例增加，令到輪商經營環境變得困難。

正股欠波幅 散戶唔玩

法興證券環球股票產品部發表半年總結，數據顯示窩輪上半年成交額，由去年同期的一萬四千多億港元，縮減至約九千億元，同比銳減近四成。雖然牛熊證成交量按年上升逾兩成，但整體輪證成交仍下跌18.60%。該行股票產品部策略師蔡秀虹表示，外圍經濟前景不明朗，投資者對後市欠信心，多持觀望態度，大市波幅收窄，同時正股沒有明顯的單邊趨勢，此等市況不利窩輪投資，就算是炒「即日鮮」的投資者亦難以「搵食」，令整體市場成交因而減少。

法興證券環球股票產品部董事李錦指，上半年窩輪市場成交銳減，令發行人經營環境變得困難。他表示，由於發行人需要維持每日市場上窩輪的流通量，當中涉及對沖成本，當窩輪投資者持倉過夜的資金比例下降，成本比例就會相對地增加。

對於輪證發行商大嘆散戶唔入市。散戶盧先生表示，目前市場淡靜，莫講是窩輪，正股波幅都不夠，任何投資都難賺錢啦。散戶蔣先生更指，不少輪商開價都不貼價啦，加上窩輪成交少，搞到炒輪好難。