魚缸Blogger：安東油服突破旗形
魚缸喺下半年首個交易日紅盤高收，惜未能以陽燭收市，在觀望聽日歐央行同英倫銀行議息下，港股短期或要先行整固。
上海石油交易所正式推出天然氣交易，標誌着內地天然氣價格市場化行出重要一步，油氣設備股方面可（目及）實剛破位嘅安東油服（03337）。雖然安東油服舊年純利按年減少三成，但年內經營活動現金流急飆六倍至2.6億人仔，加上集團嘅氣密封檢測、分段壓裂等天然氣同頁岩氣開採技術，喺內地處領先位置，應可受惠「十二五」規劃提升非化石能源使用嘅國策。股份尋日喺成交配合下突破旗形走勢，若確認完成圓底後抽，今浪有勢直撲舊年七月阻力位1.5元水平。
安東油服（03337）
阻力位：1.50元
支持位：1.27元