魚缸Blogger：新意網可小注投機
上周五魚缸成交繼續縮，雖然胡錦濤本周五訪港，但領導人送大禮概念股已經炒咗一浸，小心資金隨時趁好消息出貨。
異動股可以望吓隻新意網（08008），上周中成交開始急增，周五更曾創近兩年高位。雖然轉往主板失敗，但公司已表示會喺適當時候捲土重來，加上主營嘅中立數據服務增長持續穩定，截至三月底一一年財年頭九個月純利就按年增兩成至2.3億元，期內持有嘅現金同有息證券總額達13.1億元，幾乎係市值嘅一半，堪稱一隻現金牛，加上現價息率有近5厘，而近排成交異動，唔排除或有春江鴨聞風先動，小注投機，可待股價回試1.3元邊跟進，阻力先睇1.5元。
新意網（08008）
阻力位：1.50元
支持位：1.25元