魚缸Blogger：佐丹奴睇位炒一轉
阿爺送大禮概念尋日又再炒起，今次輪到沉寂多時嘅零售股，其中佐丹奴（00709）更喺彤叔增持下揚升4%，人氣維持的話，可以掹車邊跟走一轉。
雖然佐丹奴今年首季品牌銷售額增長持續放緩，但睇番往績，公司喺逆境時仍有唔錯表現，○八年金融海嘯肆虐期間，公司全年純利有逾5%增長，至3.1億元，喺一○年純利更急速反彈約八成，加上彤叔早前安排乖孫入主公司董事局，就令人憧憬公司與同系嘅新世界百貨（00825）甚至周大福（01929）能產生協同效應，不妨睇位走一轉，阻力先睇6蚊，5.2元未宜失守。