魚缸Blogger：聯邦制藥小注投機
G20峰會舉行得如火如荼，可惜時間唔等人，執筆時西班牙拍債息率飆升，恐怕孭住兩萬億歐元債嘅意大利亦捱唔到幾耐。
即使尋日推介嘅國藥（01099）生不逢時被基金減持，但全日仍能由低位倒升近6%收市，加上廣藥（00874）復牌後急抽逾一成，好明顯資金轉為追捧藥股，今日就跟手睇吓股價異動嘅聯邦制藥（03933）。「十二五」規劃強調醫藥衞生改革工作，其中藥物制度同基層醫療體制改革等至為重要，主營抗生素嘅聯邦制藥理應受惠，而且集團近年進軍嘅胰島素業務亦有睇頭，配合股份尋日以大陽燭湧上，甚有追落後味道，小注投機，阻力先睇3.8元。
聯邦制藥（03933）
阻力位：3.8元
支持位：3.0元